Kanye West është duke ndarë momente të bukura me familjen e tij.
Reperi 43 vjeçar, i cili ka shpallur kandidaturën për president të Amerikës, së fundmi ndau në Twitter një video të ëmbël duke kërcyer me vajzën e tij, North West.
Babë e bijë morën vëmendje me vallëzimin e tyre të veçantë, teksa videoja është bërë virale.
https://twitter.com/kanyewest/status/1291899360503095297?ref_src=twsrc%5Etfw%7Ctwcamp%5Etweetembed%7Ctwterm%5E1291899360503095297%7Ctwgr%5E&ref_url=https%3A%2F%2Ftelegrafi.com%2Fkanye-west-publikon-nje-video-duke-kercyer-vajzen-north-ndersa-po-kalon-kohe-te-mire-familjen-e-tij%2F
Në klipin e shkurtër, i cili duket se është filmuar nga Kim Kardashian, dyshja treguan aftësitë e tyre të vallëzimit.
Në një moment, North e pyeti babanë e saj se çfarë dite ishte, dhe me një buzëqeshje të madhe në fytyrën e tij, Kanye u përgjigj: “Është e premte”.
“Saint, shko”, Kim tha në video megjithatë djali katër vjeçar i çiftit nuk u dëgjua.
Videoja familjare vjen pothuajse dy javë pasi Kanye dhe Kim u ribashkuan për herë të parë pas një periudhe të gjatë.
Në fund të korrikut, ylli i “Keeping Up With Kardashians” udhëtoi për në Wyoming për të parë burrin e saj pas deklaratave bombastike të tij.
Derisa fansat mund të kujtojnë, vizita e saj ndodhi vetëm disa ditë pasi Kanye i kërkoi asaj falje për thumbimet dhe divorcin që i kërkoi.
Para faljes publike, reperi kishte postuar mesazhe për Kim dhe familjen e saj në mediat sociale.
Kim në anën tjetër kërkoi nga fansat që të ishin ‘mirëkuptues’ për shkak të betejave të shëndetit mendor të bashkëshortit të saj.
