Këngëtarja shqiptare Manjola Nallbani ka udhëtuar drejt Shteteve të Bashkuara të Amerikës.
Ajo është aktualisht në qytetin e New York-ut , ku ka performuar për komunitetin shqiptar atje në kuadër të festës së flamurit.
Nallbani ka pasur rastin që të takohet nga afër edhe me Kryetarin e Komunës së New Yorkut, Eric Adams.
Ajo ka publikuar disa fotografi në Instagram, ku ka pozuar pranë kryetarit njujorkez, i cili fitoi mandatin për New Yorkun këtë vit.
“Nëntori shqiptar me Kryetarin e Bashkisë së New Yorkut”, ka shkruar këngëtarja në mbishkrimin e fotografive.
Manjola Nallbani përndryshe në dhjetor pritet të kthehet në Shqipëri, ku do të bëhet gati për të konkurruar për edicionin e 61-të të Festivalit të Këngës në Radio Televizionin Shqiptar.
Në rast se zgjidhet fituese e këtij të fundit, ajo do të fitojë biletën e përfaqësimit të Shqipërisë në “Eurovision 2023”.
