Sot rreth orës 18:00 në rrugën “Xheladin Hana” në lagjen Bregu i Diellit në Prishtinë një vajzë 20 vjeçare ka kërcyer nga kati i katërt i një ndërtese. Përkundër dërgimit në Qëndren Klinike Universitare të Kosovës, ajo nuk ka arritur të mbijetoi..
Rasti më parë është konfirmuar nga Daut Hoxha zëdhënës i Policisë së Kosovës. Hoxha i tha lajmi.net se vajza ishte dërguar në QKUK për të marrë ndihmën mjekësore por nuk ju ka mbijetuar plagëve.
“Sot me datë 20.04.2020, rreth orës 17:46 Policia ka pranuar një informatë se ne Rr. Xheladin Hana ne Prishtinë një person rreth të 20-tave dyshohet të ketë rënë nga një ndërtesë. Viktima është dërguar në QKUK dhe sipas mjekëve nuk u ka mbijetuar plagëve. Policia ka dal në lokacion dhe janë duke ndërmarr të gjitha veprimet e nevojshme për të sqaruar dhe hetuar rrethanat e këtij rasti dhe për detajet do të njoftoheni pas raportimeve tjera”, ka thënë Hoxha.
