Edhe pse kanë kaluar plot 11 vite nga ndarja nga jeta e bashkëshortes së tij të dashur, këngëtari i njohur i muzikës popullore, Shaqir Cervadiku, nuk e ka harruar kurrë dashurinë e tij të madhe.
Ai vazhdon të flasë me shumë emocion për të në studio televizive, intervista dhe rrjete sociale, duke ndarë kujtime dhe dhimbjen që e shoqëron çdo ditë.
Në paraqitjet e tij publike, Cervadiku shpesh shprehet se humbja e gruas ka lënë një boshllëk të pazëvendësueshëm në jetën e tij, dhe se dashuria për të mbetet e përjetshme, shkruan “Kosovarja”.
Shaqir Cervadiku mbetet një nga figurat e dashura të skenës sonë muzikore, jo vetëm për repertorin e pasur artistik, por edhe për sinqeritetin dhe emocionin me të cilin flet për dashurinë dhe dhimbjen njerëzore.
