Kryetari i ri i PDK-së, Memli Krasniqi ka uruar Shtetet e Bashkuara të Amerikës në 245 vjetorin e shpalljes së pavarësisë.
Krasniqi përmes një postimi në llogarinë e tij në Facebook, ka thënë se liria dhe pavarësia e Kosovës janë të lidhura me SHBA-në.
“Lindja dhe ngritja e kombit të madh amerikan i ka dhënë dhe i jep botës gjithmonë siguri e mirëqenie dhe ka mishëruar vlerat më të mëdha njerëzore si liria e demokracia. Liria dhe pavarësia e Kosovës janë pashmangshëm të lidhura me Shtetet e Bashkuara të Amerikës. Kosova i është mirënjohëse pafundësisht mbështetjes amerikane në rrugëtimin e vet të shtetndërtimit. Ta ruajmë dhe forcojmë këtë miqësi të shenjtë. Gëzuar 4 korrikun!” – Ka përfunduar Krasniqi.
https://www.facebook.com/photo.php?fbid=334914644673939&set=a.333545488144188&type=3
