Artistja shqiptare me famë botërore, Rita Ora po qëndron në Kosovë për të festuar ditëlindjen e saj të 33-të.
Në vizitën e saj në vendlindje, Rita po shoqërohet nga bashkëshorti i saj Taika Waititi, babai dhe motra e saj.
Ditën e djeshme (e diel), Rita është pritur në takim nga kryeministri i Kosovës, Albin Kurti.
Kurti ka postuar pamje nga ky takim, teksa e priti me tortë dhe i uroi ditëlindjen, ndërsa edhe diskutuan për artin, muzikën dhe kulturën në përgjithësi.
Në fjalën e saj, autorja e “You & I” tha se shpreson që në të ardhme te ketë projekte të përbashkëta që të mund të ndihmojnë gjeneratat e reja.
“Shpresoj se do të mund të ndihmojmë gjenerata e reja dhe bashkë të mund të inspirojmë njerëz, të hapim sa më shumë dyer që të jetë e mundur për fëmijët tanë”, tha Rita.
Tutje, ylli shqiptar i muzikës ka lavdëruar Kurtin për punën e tij, madje u shpreh se ndihet krenare që e thërret kryeministër.
https://www.facebook.com/watch/?v=1437553843467494
