Emisari Special i Bashkimit Evropian për dialogun Kosovë-Serbi, Miroslav Lajçal, do të presë të mërkurën në takim kryenegociatorët e të dyja palëve, Besnik Bislimi dhe Petar Petkoviq.
Nga Qeveria e Kosovës për gazetën online Reporteri.net gjatë ditës së djeshme kanë konfirmuar prezencën e zëvendëskryeministrit, njëherit kryenegociatorit, Besnik Bislimi.
E zëdhënësi i BE-së, Peter Stano ka thënë se në fokus të takimit do të jetë zbatimi i plotë i Marrëveshjes së 27 shkurtit dhe hapt drejt shtensionimit të situatës në veri.
Javën e kaluar, Kosova ka pranuar të reduktojë praninë e policisë në dhe rreth ndërtesave komunale në Zveçan, Leposaviq dhe Zubin Potok, dhe se Kosova do të mbështesë mbajtjen e zgjedhjeve të reja në katër komunat veriore, si pjesë e veprimeve për të shtensionuar situatën.
Qeveria e Kosovës ka thënë se të gjithë hapat do të “finalizohen brenda një periudhe dyjavore”.
