Arbana Osmani ka qenë në qendër të vëmendjes mediatike së fundmi, teksa “Big Brother Vip Albania” theu çdo rekord të mundshëm.
Jo vetëm ish-banorët e shtëpisë më të famshme në Shqipëri kishin të gjithë vëmendjen rreth tyre, por edhe prezantuesja dhe moderatorja shumë e dashur gjithashtu.
E teksa Arbana pëlqehet shumë nga publiku shqiptar për projektet e saj të suksesshme, duket se edhe veshja është një pikë tepër e fortë e moderatores.
Ndërkohë që shumë veshje kanë marrë mjaft komente nga fansat, duket se detaji i preferuar i saj në veshje, janë pikërisht lulet.
Në natën e parë të “BBV”, Arbana Osmani kishte zgjedhur një fustan me lule të kuqe, rozë dhe vishnje.
Ndërkohë, edhe herë të tjera ajo ka zgjedhur detajin e luleve në veshjet e saj, qoftë në kostume, fustane apo edhe funde.
Për sa i përket ngjyrave, ajo i ka patur që të gjitha, nga të kuqe, të bardha, rozë dhe lejla.
Gjithashtu, kanë qenë që të gjitha llojet e luleve, nga trëndafilat, karafilat dhe lulediellit.
Me siguri ky është një nga trendet e preferuar të Arbanës, pasi nuk e ka patur këtë detaj në veshje vetëm së fundmi, por edhe muaj më parë.
