99
Don Xhon është padyshim befasia dhe prurja më e fortë e rep skenës shqiptare viteve të fundit.
Djaloshi nga qyteti i Drenasit të Kosovës e filloi me freestyle gjatë karantinës për t’u shndërruar në fenomen, i cili sot mbush sallat e koncerteve kudo.
Nga videot e tij më të popullarizuara me të cilën kaloi edhe kufijtë shqiptarë është freestyle “Make a pose”.
Kjo video ka arritur shifër rekord klikimesh duke mbledhur plot 50 milionë në kanalin “Youtube”.
Reperi është shprehur i kënaqur me këtë arritje duke theksuar se klikimet janë të gjitha origjinale.
Madje ai ka sfiduar të gjithë duke i ftuar që t’i testohen klikimet nëse dikush dyshon në vërtetësinë e tyre.
