Këtë javë, saktësisht ditën e enjte (27 janar) ka nisur procesi i votimit të anëtarëve të jurisë për çmimin e Akademisë së Filmit, “Oscars 2022”.
Siç kemi theksuar, Kosova për herë të parë është futur në listën e ngushtë të pretendentëve për t’u nominuar në kategorinë “Filmi më i mirë ndërkombëtar” me filmin “Zgjoi”.
A year ago this weekend HIVE became “the first film in Sundance history to win the top three awards in the world cinema competition, now it has a strong chance of becoming Kosovo’s first Oscar contender in the best international feature category”!https://t.co/He4RO6VopN
— Zeitgeist Films (@zeitgeistfilms) January 29, 2022
Lidhur me këtë ka reaguar edhe kuratorja e programit të filmave në “Sundance Film Festival”, Kim Yutani, e cila i ka dalë në përkrahje kandidatit të Kosovës për “Oscars 2022”.
“Të mos e harrojmë ‘Zgjoin’”, ka shkruar ajo duke treguar se filmi vitin e kaluar ka fituar disa çmime në “Sundance Film Festival”.
Yutani kishte shpërndarë po ashtu postimin e “Zeitgeist Film”, rrjet që ka të drejtat për shpërndarje të filmit në kinema.
Aty shkruan se “Zgjoi” vitin e kaluar bëri histori duke marrë tri çmimet kryesore në kategorinë “World Cinema”. Ishte fitues i çmimit për ‘regjinë më të mirë’ dhe mori edhe ‘çmimin e jurisë’ e atë të ‘audiencës’.
Procesi i votimit ndryshe do të përfundojë më 1 shkurt, ndërsa më 8 shkurt do të bëhet e ditur lista finale e nominimeve. /Telegrafi/
