Aktorja dhe deputetja e Kuvendit të Kosovës, nga radhët e Lëvizjes Vetëvendosje, Adriana Matoshi, ka reaguar ndaj gjuhës së përdorur nga zëvendësdrejtori i RTK-së, Mentor Shala ndaj deputetes Doarsa Kica Xhelili.
Deputetja Matoshi tha se kjo gjuhë është edhe më e papranueshme, kur vjen nga një njeri që ka udhëhequr me transmetuesin publik për të cilin paguajnë vet qytetarët e Republikës së Kosovës.
“Kjo mënyrë e të shprehurit ndaj deputetes e cila përveç të vërtetës së hidhur nuk ka thënë asgjë tjetër është vetëm një tregues që këta keqpërdorues po i hedhin shqelmat e fundit dhe të gjithë do të hetohen dhe do të sillen para drejtësisë për keqmenaxhimet e mundshme për të cilat dyshohen që i kanë bërë”, shkroi Matoshi në Facebook.
Postimi i plotë:
E papranueshme gjuha e përdorur ndaj deputetës Doarsa Kica Xhelili.
Edhe më e papranueshme bëhet kur kjo vjen nga një njeri që ka udhëhequr me transmetuesin publik për të cilin paguajnë vet qytetarët e Republikës së Kosovës.
Kjo mënyrë e të shprehurit ndaj deputetës e cila përveç të vërtetës së hidhur nuk ka thënë asgjë tjetër është vetëm një tregues që këta keqpërdorues po i hedhin shqelmat e fundit dhe të gjithë do të hetohen dhe do të sillen para drejtësisë për keqmenaxhimet e mundshme për të cilat dyshohen që i kanë bërë.
