Kuvendi dështon së konstituuari edhe për të 35-ën herë

Kuvendi i Kosovës ka dështuar të konstituohet për herë të 35-të të shtunën.

Propozimin për komisionin për votim të fshehtë të kryetarit të Kuvendit e kanë votuar për vetëm 51 deputetë, ndërsa një e ka kundërshtuar, shkruan Insajderi.

Seanca është shtyrë për të hënën, për të 36-tën herë për të tentuar ta zgjidhin ngërçin e Kuvendit.

Lëvizja Vetëvendosje s’e ka tërhequr si propozim Albulena Haxhiun, përkundër që opozita ka bërë thirrje që të propozohet një emër më unifikues për kryeparlamentar.