Një rast i trishtë i ka ndodhur sot një punëtores në Fushë Kosovë, e cila ishte duke punuar në një furrë të bukës. Viktima, një 19-vjeçare është ballafaquar me pronarin e furrës, i cili dyshohet se e ka sulmuar seksualisht, duke e prekur e tentuar ta puth me zor.
Pas raportimit të rastit, Policia është vënë në veprim dhe ka arrestuar të dyshuarin.
Burimet e Sinjalit brenda Prokurorisë kanë bërë me dije se bëhet fjalë për 34-vjeçarin Bledar Arifaj, ndaj të cilit Prokurori i Shtetit ka nxjerrë aktvendim për ndalimin prej 48 orësh.
Në bazë të informatave të para, rasti ka ndodhur në furrë të bukës (emër i njohur për redaksinë), ku gjatë orarit të punës, pronari dyshohet se e ka sulmuar seksualisht punëtoren, ku e ka prekur në gjoks dhe ka tentuar ta puth me zor.
Për t’mos u mjaftuar me kaq, pronari dyshohet se i ofroi edhe një ofertë punëtores së tij, duke i thënë se mund t’i jap para në këmbim të prekjeve e puthjeve.
Kjo e ka shqetësuar në masë të madhe vajzën, e cila e ka denoncuar menjëherë rastin në Polici, ku ka përshkruar në detaje se si u përball me shefin.
Si rezultat i denoncimit, i dyshuari tashmë ngarkohet me veprën penale “sulm seksual”.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
