Finalisti i Big Brother VIP Albania 4, Laert Vasili, në një intervistë të fundit ka sqaruar disa gjëra.
Ai flet për periudhën në atë format si dhe për ato që pa pas daljes nga ky reality show.
I njëjti për ‘jo veç kullera’ theksoi se ka qenë i rënduar pas daljes për shkak të gjumit, por jo se ka qenë keq brenda.
Tutje tha që u ka bërë me dije disa ish-konkurrentëve pasi u shokua për ato që kishin thënë për ta.
“Kam thënë në gjendje të rënduar për gjumin, kam dal kam thënë kanë thënë për mua gjëra të pafalshme dhe në qoftëse vazhdojnë do të përballen me avokatët e mi”, u shpreh ai.
Aktori i njohur shtoi: “Jo nuk e kam ndjekur, më mjaftoi ajo dhe u përmblodhën. Thash, ore janë mirë këta, kanë jetë, kanë punë. Kishte shumë çudira, por përfshirja e emrave të tjerë”.
Laerti tani po vazhdon me angazhimet e tij si aktor në teatër, profesion që e ushtron prej vitesh.
