I dërguari Special i Bashkimit Evropian për dialogun Kosovë-Serbi, Miroslav Lajçak ka biseduar sot me drejtorin e të ashtu quajturës zyra për Kosovën në qeverinë e Serbisë, Marko Gjuriq
Lajcak ka njoftuar përmes Twitterit se në bisedën me Marko Gjuriq kanë diskutuar për nevojën e rifillimi të dialogut të ndërmjetësuar nga Bashkimi Evropian.
“Bisedova sot me Marko Gjuriq rreth nevojës për një rifillim të dialogut të ndërmjetësuar nga Bashkimi Evropian dhe në këtë kontekst për çështjet praktike, vazhdimin e bashkëpunimit të mirë për t’u ballafaquar me Covid-19 dhe zbatimin e marrëveshjeve të kaluara”, ka shkruar Lajçak në Twitter.
Diplomati sllovak që nga marrja e detyrës së re për ndërmjetësimin e dialogut mes Kosovës dhe Serbisë ka biseduar me zyrtarë të të dyja shteteve.
Lajçak dje ka telefonuar kryeministrin në detyrë, Albin Kurti kurse para katër ditësh edhe kryetarin e LDK’së Isa Mustafa.
Spoke to @markodjuric today about the need for resumption of the EU-facilitated dialogue and, in this context, about practical issues, the continuation of good cooperation to deal with #Covid19 and the implementation of past agreements.
— Miroslav Lajčák (@MiroslavLajcak) May 19, 2020