Këngëtarja e njohur shqiptare, Leonora Jakupi, prej kohësh e ka pranuar se nuk është beqare.
Ajo e ka gjetur shpirtin e saj binjak, ndonëse është treguar gjithmonë e rezervuar para publikut, duke mos zbuluar mashkullin që ka në krahë.
E ftuar së fundmi në një nga kronikat e emisionit “Prive”, Leonora ka cekur ndër pesë datat më të rëndësishme në jetën e saj.
Teksa ka kujtuar datën kur është bërë teze, duke e përshkruar lidhjen me mbesën e saj si të fortë, këngëtarja është ngacmuar edhe me pyetjen se kur pret vet të bëhet nënë.
“Për t’u bërë nënë jam gjithmonë e gatshme, është ndjenja më e bukur që mund të përjetojë një femër. Sinqerisht, unë i kam dashur gjithmonë në jetë fëmijët dhe ndoshta ardhja në jetë e Moreas [mbesës], sikur më ka ‘ndaluar’ ta krijojë një familjes, sikur jam vetë-mjaftuar me Morean. E kam ndjerë sikur të ishte e imja Morea”, ka thënë Leonora Jakupi.
Leonora përndryshe sivjet nuk ka qenë edhe shumë aktive në muzikë, teksa është duke u përgatitur që së shpejti të sjellë për fansat diçka të re për fundvit.
