Kryetari i Drenasit, Ramiz Lladrovci, tha se nënkryetari i Skenderatj, Sami Lushtaku e ‘ka sulmuar nën brez, sikur ai e ka çuar Hashim Thaçin në Hagë’.
Sipas Lladrovcit, pas 35 viteve miqësi, me Lushtakun u prishën për interesa personale, sipas tij, të Lushtakut për të ndërtuar ku nuk ka të drejtë të ndërtojë.
“Sami Lushtaku para katër vjete më ka luftu nën brez, 35 vjet i kam anagazhim me aktivitet me Sami Lushtakun, çka thotë ai s’po du me ia përmend emrin, ato dy shkronja kur i bën bashkë ato dalin më keq. Çka thotë ai për neve, na ndreqim e jemi nreq”, tha Lladrovci.
“Para katër vjete, kur e kena majt konventën Enver Hoxha ka mbet ushtrues detyre dhe ka kandidu, Memli Krasniqi ka thënë se do me kandidu. Jam i vetmi që kam bë letër, kur i kam thanë Enver Hoxhës, “të lutëm miku im, tërhiqu se je vonu me kandidu”. Mos na le dy kandidat me përça partinë sepse krerët tanë nuk janë këtu. Edhe Enveri e ka tërheq”, vijoi tutje ai.
Lladrovci tregoi nëse janë përpjekur si PDK që këtë diskutim mos ta bëjnë publik, por ta diskutojnë brenda partisë.
