Ish-boksieri i njohur shqiptar, Luan Krasniqi, po përjeton një nga momentet më të dhimbshme të jetës së tij. Përmes një postimi emocional në rrjete sociale, ai ka ndarë lajmin për ndarjen nga jeta të vëllait të tij të madh, Ramiz Krasniqi.
“Vëllai im i dashur, shoku im i jetës, figura ime atërore,” shkruan Luan, duke treguar se humbja e Ramizit ka lënë një boshllëk të madh në zemrën e tij – një dhimbje që nuk përshkruhet me fjalë.
Në rrëfimin e tij prekës, ish-kampioni i boksit e përshkruan Ramizin si një njeri me forcë, parime të forta, përgjegjësi dhe dashuri të thellë për familjen. Ai vlerëson madhështinë e tij të heshtur dhe ndikimin e jashtëzakonshëm që ka pasur në jetën e tij personale.
“Ti ishe dhe do të mbetesh gjithmonë një model për mua,” përfundon Luan mesazhin e tij, duke e quajtur Ramizin një figurë të pazëvendësueshme.
Ngushëllime familjes Krasniqi në këtë kohë të vështirë
