Ishte ora 2 pas mesnate. Teksa shikoja se a mund të ishte ndokush në “chat”, hasa në një “nick” me emrin “gruaja”. Pasi e përshëndeta, i thashë se a ishte e pëlqimit të komunikonim. Ajo ma ktheu: “Jam për bisedë, lirisht më shkruaj!”. Dhe, nga ai moment çdo gjë ndryshoi në jetën time, shkruan F., për revistën tonë, “Kosovarja”.
Fillova t’i tregoj kush jam, nga jam, ç’moshë kam e të tjera, që mendoja se do i hynin në punë t’më njihte sadopak.
Pasi i tregova për historinë time, ajo filloi t’më tregonte, po ashtu, për historinë e jetës së saj…
Më tha se ishte grua e martuar dhe se burri i saj kishte kohë që jetonte jashtë Kosovës. Më tha se ishte nënë e një fëmije…
Pasi biseduam e biseduam, më në fund, mora guximin e i thashë se a ishte për një lidhje të fshehtë jashtëmartesore, sekrete, e që do e dinim vetëm unë e ajo…
“Nëse gjithçka mbetët mes nesh, sekrete, pse jo?!”, ma ktheu.
Pastaj, pa e zgjatur shumë, ma dha numrin e telefonit të saj dhe tha se mund ta thërras menjëherë që të verifikohej se ishte ajo e jo dikush tjetër…
E thirra. U paraqit ajo. Ia dëgjuam zërin njëri-tjetrit dhe filluam të bisedojmë. Në bisedë e sipër më tha se a dëshiron t’më njohësh më për së afërmi.
“A po vjen sonte të takohemi, të njihemi?”, më tha.
Isha larg 30 kilometra dhe, thënë të drejtën, mendoja se gjithë ajo rrugë mund të jetë ndonjë provokim i mundshëm.
I thashë: “A del vetë apo me ndokënd tjetër?”. Më tha: “Dal vetë, natyrisht”. Më tregoi se në banesë jeton vetëm me fëmijën e saj, e që ishte vetëm dy vjeç.
Frikësohesha mos ishte ndonjë kurth…
I thashë tutje se mos po vjen kush e vaj halli për mua, kurse ajo as që më la ta përfundoja mendimin, duke më thënë të mos brengosem për atë gjë…
Dhe, edhe pse ndjeja pak frikë, vendosa të shkoj. Kur iu afrova banesës së saj, së pari e thirra në telefon dhe i thashë se jam afër banesës tënde…
Pas pak në hyrje të banesës u shfaq një femër e bukur, ama shumë e bukur. U frikësova se menjëherë do më refuzoj, duke më thënë hup more budalla e të mos të shoh më…
Por, më tha hajde, afrohu te hyrja… Kur u afrova, pasi u përshëndetëm dorë për dore, i thashë se a është e sigurt se është vetëm në banesë. “Jam e sigurt qind për qind”, më tha.
Të dy u ngjitëm shkallëve përpjetë. Kur hymë në banesë, shpejt e shpejt e mbylli derën me çelës. U ula në shtrat dhe ma afroi një pije.
Por, as që priti ta përfundoja pijen dhe m’u afrua afër, ngjitas me trupin tim. Filluam të puthemi… Pastaj, filluam të zhvishemi… Unë i hoqa veshjet e mia e ajo të vetat…
Ishte e përmalluar për kënaqësi…
Filluam të kënaqemi. Ishte përmalluar për kënaqësi… Një gjë e tillë vërehej haptas te ajo… Dhe, të shtrirë në shtratin e saj, qëndruam deri para se drita të dalë.
E, para se të zdritej ika nga banesa e saj dhe u ktheva në shtëpi, i lodhur tej mase, por i kënaqur me atë që ndodhi…
Mirëpo, mbrëmje të tilla, si ajo e asaj nate, kemi pasur edhe herë të tjera, sepse lidhja jonë zgjati rrafsh dy vjet, kur ajo u largua nga Kosova dhe u bashkua me burrin e vet në Gjermani. F. /Kosovarja/
