Nënkryetari i Lidhjes Demokratike të Kosovës, Lutfi Haziri, njëherësh edhe kryetari i komunës së Gjilanit, ka shpallur sot zyrtarisht kandidaturën për kryetar të LDK-së.
Haziri u zotua se do të punojë që ta rikthej LDK-në sërish në skenën politike pas humbjes në zgjedhjet e 14 shkurtit.
“Jam i nderuar që sot para jush po ju njoftojë se kanë përfunduar konsultimet e fundit me strukturat e LDK’së në Gjilan, poashtu edhe me autoritetet që LDK’së i kanë dhënë shpresë. Tri postulatet e shenjta të LDK-së, liria e saj e arritur me sakrificë dhe kryengritja e saj e armatosur, pavarësisë e shpallur de juro me 17 shkurt dhe demokracia e Kosovës mbesin postulate që do të punojë që ta rikthej LDK-në atu ku e ka vendin”, ka thënë ai.
Ai e pranoi se LDK’ja ka dal keq në zgjedhjet e fundit të përgjithshme.
“Pa LDK-në nuk ka zgjedhje as zgjidhje. Kësaj here LDK’ja doli keq. Rezultati i saj tregon për humbje besimi”, ka thënë ai.
