Masakra e Mejës: 96-vjeçarja qëndron pranë varrit të djalit të saj të vetëm

Në Kompleksin Memorial në Mejë të Gjakovës është përkujtuar masakra e Mejës, ku një nga pjesëmarrëset e homazheve ishte edhe një nënë 96-vjeçare.

Vase Tahiraj, u pa teksa qëndronte para varrit të djalit të saj të vetëm, Halil Miftar Tahiraj, një nga viktimat e kësaj masakre.

Në këtë përkujtim morën pjesë edhe qytetarë të shumtë, si dhe përfaqësues e krerë institucionalë, të cilët bënë homazhe në nder të viktimave të masakrës së Mejës.