Më në fund realizohet fluturimi i parë në Aeroportin e Prishtinës

Ministria e Shëndetësisë ka caktuar datën e 28 qershorit për të lejuar përsëri fluturimet në Aeroportin Ndërkombëtar të Prishtinës.

E ANP, sot, përmes një postimi në “Facebook”, u ka uruar mirëseardhje udhëtarëve të parë që mbërritën në Kosovë pas pandemisë.

“Eshtë kënaqësi të mirëpresim fluturimin e parë Basel me Air Mediterrenean, fluturim ky që solli udhëtarët e parë me datë 28.06.2020 në ora 00:50 pas më shumë se tre muaj në Aeroportin Ndërkombëtar të Prishtinës “Adem Jashari” LKIA”, thuhet në postimin e ANP-së.

Bashkë me publikimin e datës së lejimit të udhëtimit në Aeroportin Ndërkombëtar të Prishtinës, janë bërë të ditura poashtu edhe rregullat të cilat duhet të respektojnë udhëtarët.