Meghan Markle qau teksa shihte arkivolin e Mbretëreshës Elizabeth II duke u kryer nga Westminster Abbey sot pas një funerali të jashtëzakonshëm ku morën pjesë emra nga e gjithë bota.
Dukesha e Sussex-it lau faqet me lot gjatë momentit emocional teksa qëndronte pranë Camillas, bashkëshortes së Mbretit Charles II, kunatës Kate, Dukeshës së Kembrixhit dhe fëmijëve të saj: Princit George dhe Princeshës Charlotte, shkruan DailyMail.
Më parë, Meghan, hyri në abaci në një procesion të zymtë pas arkivolit të Mbretëreshës.
Ajo dhe Harry më pas zunë vendet e tyre në rreshtin e dytë së bashku me Princeshën Beatrice dhe burrin e saj, Edoardo Mapelli Mozzi.
Sot, kisha më e rëndësishme e Mbretërisë së Bashkuar, e mbushur me 2,000 VIP, duke përfshirë kryeministra, presidentë dhe familjen mbretërore, ishte e qetë përveç tingujve të himneve dhe lutjeve në një shërbim funerali që Madhëria e Saj kishte kuruar vetë para se të vdiste.
Arkivoli i saj u vendos pranë altarit me kurorën, rruzullin dhe skeptrin e saj në majë të rrethuar me lule të zgjedhura nga Mbreti nga kopshtet që ajo i donte. Një kartë në lulet në majë të arkivolit shkruante thjesht: “Në kujtim të dashur dhe të përkushtuar. Charles R.”.