Moderatorja Megi Pojani ishte e ftuar mbrëmjen e djeshme në emisionin “Më lër të flas”, ku u bëri një pyetje dy ish-banorëve të “Big Brother VIP”, Beniada Nishanit dhe Donald Veshajt.
Ajo i ngacmoi ata nëse mes tyre ka pasur kimi dhe nëse kanë flirtuar brenda shtëpisë më të famshme në Shqipëri. Modelja e mohoi menjëherë një gjë të tillë, ndërsa aktori i humorit tha se kanë vetëm “kimi shoqërore”.
Sipas Megit, është shumë normale në jetë që njeriu të ketë momente të caktuara që t’i mund të jesh në një marrëdhënie, por të kesh një lloj ndjeshmërie për dikë tjetër.
“Nuk ka asgjë të keqe të thuash ‘po ma kishte qejfi të kisha një flirt me Beniadën’”, i tha Pojani Donaldit.
Më pas ndërhyn Romeo Veshaj, i cili e pyet Megin nëse i “shikonte meshkujt si kushërinj”.
“Unë edhe kushëririt tim i them ‘sikur të mos ishe kushëri im do isha lidhur me ty’. I them mos të ishe kushëriri, e mira vlerësohet. Kushëririn tim e vlerësoj se është shumë i mirë”, tha Pojani.
