I pari i “PDK”-së, Memli Krasniqi, sot në hapësirat e tij në rrjete sociale ka sjell diçka të ndjeshme e personale, krejt jashtë politikes.
Memli, ka ndarë me ndjekësit një foto ku shihet pranë të ëmës, të cilën e uron me rastin e ditëlindjes dhe pensionimit, shkruan “Kosovarja”.
“Urime ditëlindja dhe pensionimi, nënë!
Pas gati 46 viteve në shërbim të qytetarëve më në nevojë, si infermiere anesteziste, nëna ime Edibja, sot shënon ditëlindjen e 65-të, njëkohësisht edhe ditën e fundit të punës në QKUK.
Unë, por edhe gjithë pjesa tjetër e familjes sonë, s’kemi mundur të kërkojmë një shembull më të mirë e të gjejmë mbështetje më të madhe në jetë sesa nga ajo – që ka ditur gjithmonë të na dhuroj vetëm dashuri, buzëqeshje e frymëzim secilit prej nesh.
Të jemi mirënjohës përjetë, nënë – aq sa nuk mund të thuhet, për gjithçka dhe çdo gjë që ke bërë për ne.
Të uroj pensionim të rehatshëm e jetë të gjatë e me shëndet. Gëzuar! ❤”
