Mes lotësh, kolegët i japin lamtumirën e fundit Shpatit

Po mbahet ceremonia e varrimit të këngëtarit të njohur, Shpat Kasapi, i cili u nda nga jeta të mërkurën e kësaj jave.

Varrimi mblodhi një numër të madh familjarësh, miqsh, kolegësh, dhe fansash, si dhe shumë emra të njohur nga bota e estradës dhe mediave.

Prania e personaliteteve publike ishte e madhe, duke dëshmuar respektin dhe dashurinë që gëzonte Kasapi në mesin e kolegëve të tij.

Në mesin e të pranishmëve u panë këngëtarët dhe kolegë të tij, figura të njohura: si Blero, Drilon Hoxha, Erik Lloshi, Rezart Veleshnja, Andueli, Burim Hoxha e të tjerë.

Të gjithë të pranishmit shprehën ngushëllimet e thella për familjen Kasapi, duke e konsideruar humbjen e këngëtarit si një mungesë të madhe për skenën muzikore shqiptare.

Lamtumirë Shpat!