Një lajm i jashtëzakonshëm nga Asambleja Parlamentare e Këshillit të Evropës (PACE). Knut Abraham është zgjedhur Nënkryetar i Asamblesë, si dhe është emëruar kryetar i delegacionit gjerman në këtë institucion të rëndësishëm evropian.
Kështu ka bërë të ditur përmes një postimi në facebook ambasadori i Kosovës në Gjermani, Faruk Ajeti.
“Urime të përzemërta, Knut, për zgjedhjen tënde si Nënkryetar i Asamblesë Parlamentare të Këshillit të Evropës (PACE), si dhe për emërimin tënd si kryetar i delegacionit gjerman në PACE – delegacioni më i madh në këtë institucion të rëndësishëm”, ka shkruar Ajeti.
Emërimi i z. Abraham vjen si një njohje për angazhimin e tij të vazhdueshëm dhe profesionalizmin në përfaqësimin e interesave demokratike të shteteve anëtare.
Ai njihet gjithashtu si mik i vërtetë dhe përkrahës i Republikës së Kosovës në arenën ndërkombëtare.
Ky zhvillim përforcon edhe më shumë zërin demokratik brenda PACE dhe përfaqëson një hap pozitiv për bashkëpunimin parlamentar evropian.
