Miley Cyrus ka përjetuar një pakëndshmëri gjatë spektaklit special për Vitin e Ri të emetuar në NBC, ku mbeti pa pjesën e sipërme të veshjes.
Mirëpo, këngëtarja ka reaguar shpejt duke e mbajtur me veshjen me dorë dhe duke mos e ndërprerë këndimin.
Incidenti ka ndodhur pas interpretimit të hitit të saj, “We Can’t Stop” dhe fillimit të këngës tjetër, “Party in the U.S.A.”.
Miley Cyrus began 2022 with a wardrobe malfunction. #MileysNewYearsEveParty pic.twitter.com/D3BF4JNA0X
— Dave Quinn (@NineDaves) January 1, 2022
Derisa po ecte me veshjen ngjyrë argjendi, në një moment ajo e kuptoi se pjesa e sipërme filloi t’i binte.
Ndërkohë që bendi vazhdonte me muzikën, Miley u nis prapa skenës për të rregulluar veshjen.
Ajo u kthye në skenë teksa kishte veshur një pallto të kuqe që e kishte pasur në fillim të koncertit dhe vazhdoi me interpretimin.
