Moderatorja Fjoralba Ponari ka rrëfyer një histori që se kemi ditur më parë, në intervistën me ‘Wake up’.Mes lotësh ajo ka treguar se në të kaluarën ka pasur një rast ku është ngacmuar, madje sulmuar fizikisht.
Për fatin e mirë, rrëfen moderatorja, gjithçka ka përfunduar mirë, por eksperienca ka qenë e tmerrshme dhe e ka bërë që të vuajë psikologjikisht e të ndjeki dhe seanca me psikologun.
“Kam qenë në vit të parë të shkollës së lartë kur jam sulmuar fizikisht. Kam qenë nën kërcënimin e një thike… Agresori im ishte në gjendje të dehur dhe në ato kushte nuk e di sesi mund të kishte përfunduar.
Fatmirësisht aty u ndodhën dy zotërinj që më ndihmuan. Agresori im ishte me kapele dhe nuk e denoncoja dot, pasi zëre se po denoncoja një fantazëm. Në atë kohë kam kaluar ankthe shumë të mëdha.“, ka treguar moderatorja.
