Të martën janë publikuar listat e plota të nominimeve për ceremoninë e madhe të ndarjes së çmimeve, Grammy Awards 2023.
Mes artistëve më eminentë të nominuar këtë vit, në listën e të nominuarve gjendet edhe këngëtarja shqiptare me famë botërore, Bebe Rexha.
Ajo është nominuar në kategorinë “Kënga më e mirë ritmike/elektronike” për këngën e saj “I’m good (Blue)” në bashkëpunim me David Guettan.
Congratulations 65th #GRAMMYs Best Dance/Electronic Recording nominees: @Beyonce; @si_bonobo; @diplo & @Miguel; @davidguetta & @BebeRexha; @KAYTRANADA ft. @HERMusicx; and @RufusDuSol: https://t.co/zovEzfXor6
🎶 @CBS @ParamountPlus pic.twitter.com/eulug9pFNJ
— Recording Academy / GRAMMYs (@RecordingAcad) November 15, 2022
Bleta (emri i vërtetë i artistes) me të dëgjuar lajmin e madh është hedhur përpjetë nga gëzimi.
Interpretuesja e hitit “I’m a mess” publikoi në llogarinë e saj zyrtare në Instagram një video, ku shihej në çastet e gëzimit teksa përqafohej vazhdimisht nga e ëma e saj, Bukurija.
“Le të shkojmë”, dëgjohet duke bërtitur ajo ndërsa kupton se është nominuar për një çmim Grammy.
Rexha ka qenë edhe më parë e nominuar në ceremoninë e madhe të çmimeve në vitin 2019, në kategoritë “Artistja e re më e mirë” dhe “Performanca më e mirë e zhanrit duo/grup” për këngën “Meant to be” në bashkëpunim me grupin Florida Georgia Line.
Fatkeqësisht aso kohe ajo nuk kishte arritur të fitonte asnjë nga këto çmime.
