Elena Ora, motra dhe menaxherja e këngëtares me famë botërore Rita Ora, ka ardhur në Prishtinë për të marrë pjesë në një dasmë familjare.
Ajo ka ndarë me ndjekësit e saj në Instagram disa fotografi nga eventi, ku duket tejet elegante dhe me shumë stil.
Për këtë rast të veçantë, Elena kishte zgjedhur një fustan të zi të dizajnuar nga stilisti i njohur shqiptar Valdrin Sahiti, i cili njihet për krijimet e tij luksoze dhe të sofistikuara.
Elena ndodhej në kryeqytetin kosovar për të marrë pjesë në dasmën e djalit të dajës së saj, Lonit, ndërsa Rita Ora, për shkak të angazhimeve të shumta profesionale, nuk kishte mundur të jetë e pranishme.
Në fotografitë e publikuara, Elena Ora dukej mjaft tërheqëse me një grim të realizuar nga Rezarta Galica, një nga artistet më të njohura të grimit në Kosovë.
Pamja e saj elegante dhe klasi i veçantë tërhoqën menjëherë vëmendjen e ndjekësve të saj, të cilët e komplimentuan për stilin dhe bukurinë e saj natyrale.
Pjesë e koleksionit të fotove të shpërndara nga ajo ishte edhe foto e Era Istrefit, e cila me sa duket ka një raport shumë miqësor me Elena Orën.
View this post on Instagram
