Qytetarë të shumtë kanë mbetur pa dokumente me afat të rregullt, si shkak i mos furnizimit nga Ministria e Punëve të Brendshme me pasaportë, letërnjoftime dhe patentë-shoferë.
Nga Ministria e Punëve të Brendshme kanë bërë të ditur se në fund të janarit pritet të fillojë furnizimi me material për prodhimin e pasaportave, lejeve të vozitjes dhe letërnjoftimeve.
“Ministria e Punëve të Brendshme, ju njofton se në fund të janarit pritet të filloj furnizimin me material. Me ketë rast Ministria e Punëve të Brendshme shprehë keqardhje për situatën e krijuar dhe kërkon mirëkuptim nga të gjithë qytetarët e Republikës së Kosovës, deri në zgjidhjen e kësaj çështje”, u tha nga Ministria e Punëve të Brendshme.
Ndryshe nga MPB së fundi është lidhur një kontratë prej 4 milionë eurove me një kompani gjermane, për furnizim me material të tillë.
Qytetarët vazhdimisht kanë pasur probleme të mëdha , pikërisht si shkak i mungesës së këtyre materialeve./Lajmi.net/
