Myku i thonjve, i njohur ndryshe si onikomikozë, është një infeksion i zakonshëm që prek qindra mijëra njerëz çdo vit. Ky infeksion shkaktohet nga kërpudhat që sulmojnë strukturën e thoit, duke e bërë atë të zverdhet, trashet, plasaritet apo edhe të shkëputet nga gishti.
Mjekët dermatologë theksojnë se lagështia, këpucët e mbyllura dhe mosrespektimi i higjienës janë ndër faktorët kryesorë që ndihmojnë përhapjen e mykut.
“Shumë njerëz neglizhojnë simptomat në fillim, por nëse nuk trajtohet me kohë, infeksioni mund të përhapet dhe të dëmtojë përfundimisht thoin,” – thotë një dermatolog nga Klinika e Lëkurës në Prishtinë.
Trajtimi mund të përfshijë medikamente antifungale lokale ose orale, ndërsa në raste më të rënda, është e nevojshme edhe heqja e thoit të prekur.
Ekspertët apelojnë për kujdes të shtuar, veçanërisht gjatë verës, kur djersitja dhe lagështia janë më të larta, duke rritur rrezikun e infeksioneve fungale.
