Ndalohet edhe një person për rastin në Pejë, ku ishte i përfshirë Noizy

Është ndaluar edhe një i dyshuar tjetër për përfshirje në rrahjen e para disa netësh në një klub të natës në Pejë.

Këtë e ka konfirmuar zëdhënësi i prokurorisë në Pejë, Shkodran Nikçi, për Klan Kosova.

“Me urdhër të Prokurorit të Shtetit është ndaluar edhe një person për rrahjen e para disa netësh në një klub të natës në Pejë, i dyshuar për veprën penale “pjesëmarrje në rrahje””, tha Nikçi.

Noizy në ndërkohë është arrestuar bashkë me DJ e tij, Crax, në një klub nate në Shëngjin.

Ata pritet që të ekstradohen në Kosovë.

Në lidhje me ngjarjen, në kërkim nga Policia e Kosovës është edhe Stresi.

Të njëjtit në deklaratat në rrjete sociale kanë bërë me dije se nuk e kanë prekur askënd.