Në ditën e Presidentit, Osmani kujton Rugovën: E rikujtuam madhështinë e veprës së tij

Presidentja e Republikës së Kosovës, Vjosa Osmani, në rastin e ditës së presidentit ka bërë homazhe tek varri i Ibrahim Rugovës.

Osmani si shenjë respekti e ka rikujtuar presidentin Rugova duke e cilësuar si president historik për kontributin e tij të jashtëzakonshëm që dha për shtetin e Kosovës.

“Në Ditën e Presidentit nderuam arkitektin e shtetit të pavarur të Kosovës, nismëtarin e jetës demokratike e të angazhimit plural politik, presidentin historik të Kosovës, dr. Ibrahim Rugovën”, shkroi Osmani në Facebook.