David Beckham festoi ditëlindjen e tij të 50-të. Në festën e madhe në Londër morën pjesë shumë personazhe të famshëm, si dhe roje sigurie.
Por, një moment ndodhi e papritura kur fqinjët u ankuan për muzikën e lartë nga festa e Davidit, transmeton Indeksonline.
“Festa e Davidit u zgjat dhe sa më shumë zgjaste, aq më me zë të lartë lëshohej muzika. Disa fqinjë nuk ishin të kënaqur me këtë, në orën 2 të mëngjesit ata po ankoheshin”, tha një burim për The Sun.
E gjitha rezultoi në mbërritjen e dy rojeve të sigurisë të cilët i thanë familjes Beckham të ulnin muzikën, gjë që thuhet se ata e bënë menjëherë.
Kujtojmë se ish-futbollisti organizoi një festë të madhe për ditëlindjen e tij në restorantin londinez Core.
Disa nga të ftuarit ishin Eva Longoria, Guy Ritchie, Gordon Ramsay dhe Tom Cruise. Gruaja e Davidit, Victoria, ishte gjithashtu në festë me djemtë e tyre Romeo dhe Cruz, dhe vajzën Harper, por djali i tyre i madh, Brooklyn, thuhet se nuk ishte aty.
