Kanë dalur detaje të reja nga tragjedia e sontme në lagjen “Kodra e Trimave”, shkruan Gazeta Insajderi.
60 vjeçari, Xhevdet Millaku, u vra me armë zjarri në kokë. Personi i dyshuar për vrasjen e tij, është 55 vjeçarja, Nazmije Millaku.
Kjo e fundit dyshohet se u dorëzua vet në Polici, duke e pranuar edhe krimin e bërë.
Derisa, viktima Xhevdet Millaku, ishte punëtor në Panelin Zgjedhor për Ankesa dhe Parashtresa (PZAP).
Vdekja e tij u konfirmua për Insajderi nga zëdhënësja e Policisë për Rajonin e Prishtinës, Flora Ahmeti.
”Sot rreth orës 19:20 kemi pranuar informatën për një vrasje, që ka ndodhë në rrugën ‘Ismet Krasniqi’ në Prishtinë. Menjëherë policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Lidhur me rastin është vetëdorzuar një person e dyshuara: -N.M. femër . Aktualisht hetuesit policor, në koordinim me prokurorin e shtetit janë duke punuar për të ndriçuar dhe sqaruar të gjitha rrethanat që kanë të bëjnë me këtë rast”, tha Ahmeti.
