fbpx

“Ne mundemi me ja bë ndryshe, me pi një kafe…”- ish-studenti i Edukimit tregon një rast të profesorit Xhevat Krasniqi

nga Revista Kosovarja

Arlind Hajdaraj, ish-student i Fakultetit të Edukimit në Gjakovë ka thënë se “gjatë ligjëratave profesori në fjalë ka thënë se gjatë ligjëratave ai ka qenë shumë korrekt dhe i përgatitur”.

Ai thotë se në vitin 2014 gjatë provimit të fundit që kanë mbajtur me të “më 23 janar 2014”, ka shtuar se ka qenë një rast konkret i ngacmimit seksual nga ana e profesorit, kur edhe është lajmëruar rasti dhe janë marrë masa ndaj tij.

Ai ka thënë se nuk e di se a ka pas raste të më hershme.

“Studentët nuk janë kanë krejt në një grup, kemi qenë të ndarë në dy grupe, provimi i vitit të parë ‘Matematika elementare I dhe II’. Unë kamë qenë në grupin e dytë, sepse e kam kaluar atë provim më parë (Matematikën elementare I) edhe dy banka para meje ka qenë studentja, profesori i ofrohet afër, e sheh provimin dhe i thotë ‘nuk paske mësuar sa duhet me kalu’”, ka thënë ai në “Debat Plus” të RTV Dukagjinit.

Tutje ish studenti ka thëne se profesori i ka thane studentes “Ne mund me ja bë edhe ndryshe, thjesht me pi një kafe dhe me diskutu”.

Sipas tij kjo ka qenë një nismë e mjaftueshme për t’u vlerësuar si ngacmim seksual.

“Menjëherë mas provimit kemi diskutu bashkë të gjithë kolegët me ndihmën e një profesoreshe e cila na ka kërkuar atëherë me mbet anonime edhe të njëjtin qëndrim e mban edhe sot, ne e kemi hartu një peticion të cilin e kemi nënshkru dhe e kemi dorëzu”.

Që nga ajo kohë, edhe mund të harroj ndonjë presje aty këtu, por i ka thënë profesori studentes “me diskutu” dhe sipas tij thelbi i ngjarjes ka qenë aty.

“Brenda një periudhe rekord, as një javë nuk kanë qenë në pyetje, profesori largohet nga fakulteti”, ka thënë ai duke shtuar se nuk e din se a është shkarku apo çfarë ka ndodh me të por “thjesht ai nuk ka ardh më”.

Më tej Hajdaraj ka thënë se gjatë atij afati profesori i ka rrëzuar të gjithë studentët nga provimi, sipas tij “në shenjë hakmarrjes”, pastaj ka shtuar ai se profesori është zëvendësuar me një profesoreshë tjetër me të cilën kanë mbajtur provimin.

Kjo faqe kontrollohet dhe menaxhohet nga stafi i Revistës Kosovarja
Adresa: Rruga: “Ali Hadri”-nr.16 Prishtinë, Kosovë
REDAKSIA: +38344143448; Email: [email protected]