Nesër i jepet lamtumira e fundit 25-vjeçarit që vdiq pas një aksidenti në Prizren

Nesër, më 7 qershor, në orën 16:40, do t’i jepet lamtumira e fundit 25-vjeçarit Erdal Tumba, i cili ndërroi jetë pas plagëve të marra në një aksident trafiku më 18 maj në fshatin Pouskë, raporton Gazeta Sinjali.

Tumba ishte në gjendje kritike për gati tre javë, por përkundër përpjekjeve të mjekëve, ai nuk arriti t’i mbijetojë plagëve të rënda.

Në të njëjtin aksident kishte humbur jetën në vendngjarje edhe Dilge Nanovçe, një nga tre personat që ndodheshin në veturën e aksidentuar.

Pas aksidentit, Tumba ishte dërguar për trajtim në Spitalin Publik të Prishtinës, ku qëndroi deri në momentin e ndarjes nga jeta.