Ngacmohet seksualisht pronarja e një marketi në Gjakovë

Një rast shqetësues është raportuar në Gjakovë, ku një grua ka njoftuar policinë se është ngacmuar seksualisht nga një burrë, ndërsa ishte duke punuar në marketin e saj.

Sipas Policisë së Kosovës, ngjarja ka ndodhur gjatë kohës që viktima ishte në vendin e punës, ndërsa i dyshuari është identifikuar dhe arrestuar nga njësitë policore.

“Me urdhër të prokurorit, i dyshuari është dërguar në mbajtje,” thuhet në njoftimin e policisë.

Hetimet për rastin janë në vazhdimësi, ndërkohë që autoritetet po trajtojnë me seriozitet çdo formë të ngacmimit seksual.