Nis ceremonia e pritjes zyrtare për Bill Clinton

Ish-presidenti i Shteteve të Bashkuara të Amerikës, Bill Clinton dhe kryeministri Edi Rama do t’i drejtohen shqiptarëve me një fjalim nga Bulevardi “Dëshmorët e Kombit”, përballë kryeministrisë.

Të shumtë janë qytetarët, të cilët kanë dalë për të parë nga afër ish-shefin e Shtëpisë së Bardhë. Ai njihet si presidenti, i cili dha urdhër për bombardimin e Ish-Jugosllavisë duke i hapur çlirimit të Kosovës nga “kthetrat” e Sllobodan Millosheviçit.

Pas ekzekutimit të himneve kombëtare të SHBA-ve dhe Shqipërisë, presidenti Bill Clinton do nderohet me çmimin “Yllin e Mirënjohjes për Arritjet Publike”.