46
Ka nisur takimi mes liderit të Lëvizjes Vetëvendosje, Albin Kurtit dhe atij të Aleancës për Ardhmërinë e Kosovës, Ramush Haradinajt.
Takimi ishte paraparë të fillonte në orën 13:30. Në këtë takim është thënë se do të bisedohet çështja e presidentit të vendit dhe a do ta votojnë deputetët e AAK-së Vjosa Osmanin si kandidate për presidente nga lista e VV-së.
Në takim është edhe kandidatja e VV-së për presidente, Vjosa Osmani dhe anëtari i Kryesisë së AAK-së, Selim Selimi. Lëvizja Vetëvendosje është fituese e zgjedhjeve të 14 shkurtit me 50.28 për qind ndërsa AAK-ja renditet e katërta me 7.12 për qind.
