Prishtina do të jetë epiqendra teatrale e zgjedhjeve lokale të tetorit, shkruan “Kosovarja”.
Po e filloj këtë shkrim me një barsoletë, e që i përshtatet realitetit. E takon një burrë hoxhën në “Rrugën B” në Prishtinë dhe i thotë:
“Mirë që të takova, aga hoxhë!”.
“Hajr qoftë, o burrë! po ç’e mirë paska ndodhur?”, ia ktheu ai.
“Djali më ka hy në rrugë të keqe, aga hoxhë!”.
“Mos vet, evlati ta kall zemrën, o burrë. Po ku është zhytur ashtu?!”.
“Është zhytur në rrugën “Muharrem Fejza”!”.
E, hoxha, meqë edhe vetë ishte kungjagji, i thotë:
“Ndërrojani emrin asaj rruge, bre burrë! Sepse, sa herë përmendet ajo rrugë, njerëzit stresohen. Po ua jap dy propozime:
“Mirë, aga hoxhë, të paça dëgjuar, por mos propozo emrin tënd!”.
“Ideja e parë, lërjani emirin “Rruga e gropave”. E dyta, rruga “Shpend Ahmeti”!
Pas lufte, kur kryetar i komunës së Prishtinës ishte Ismet Beqiri, një grope në Lagjen “Arbëria” ia lanë emrin “Gropa e Ismet Beqirit”.
Shkurt e shqip, nëse i referohemi shkatërrimit të Prishtinës, për 8 vjet sa është në krye të saj Shpendi Ahmeti, duhet të gjitha rrugët e Prishtinës të marrin emrin e tij…
Në anën tjetër, disa kandidatë për kryetar të Prishtinës po mendojnë se duke fjetur nëpër mëhallët e Prishtinës dhe duke u ekspozuar me fasuleta në xhepin e xhaketave, bëhen kryetar të Prishtinës!
Andaj, prishtinasit duhet t’i peshojnë projektet. Dhe, cili kandidat paraqet projektin më të realizueshëm, ta votojnë pa dallim partie.
Sepse, prej të gjitha komunave, tash për tash shembullin më të mirë të qeverisjes e hasim në komunën e Lipjanit, në krye të së cilës ndodhet Imri Ahmeti.
Daut Haradinaj – më i përgatituri
Sidoqoftë, Prishtina e ka një mundësi të artë për të ndryshuar dështimet dhe trashëgiminë partiake. E ka një kandidat të fortë për kryeqytetin. E, ai është Daut Haradinaj. Kështu themi nëse vlerësohen projektet që kandidatët kanë ofruar, prezantuar…
Andaj, prishtinasit, nëse duan projekte të realizueshëm dhe burrë të guximshëm në krye të Prishtinës, kanë rastin ta votojnë Daut Haradinajn.
Uran Ismajli ka fjalë, është burrë i mirë, i pandalshëm, por nuk ka ekip pune.
Kandidati i VV-së, Arben Vitia, aktualisht ministër i Shëndetësisë, ende s’ka thënë asnjë fjalë për Prishtinën! Puna e tij në Ministrinë e Shëndetësisë nuk të jep shpresa se do bëjë gjë me Prishtinën…
E, ky që po shkon prej postit të kryetarit, Shpend Ahmeti, a u kujtohet si e mundi Isa Mustafën, e më vonë edhe Arban Abrashin?
Me një notes në xhep, u tha qytetarëve se tash e tutje kryetari i komunës do të udhëtojë me autobus e jo me veturë luksoze zyrtare. Por, sa zgjati ajo punë, më së miri e dinë qytetarët…
Andaj, që të mos përsëriten dështimet me Prishtinën, qytetarët duhet të vetëdijesohen, t’i analizojnë projektet që u ofrohen mirë, e tek pastaj të votojnë… Safet Krivaça /Kosovarja/
