Një person dyshohet se ka kryer vetëvrasje brenda stacionit policor në Suharekë

Një person dyshohet se ka kryer vetëvrasje në orët e para të mëngjesit së sotëm brenda dhomave të ndalimit në stacionin policor në Suharekë.

Lajmin e ka konfirmuar Petrit Kryeziu, kryeprokuror i Prizrenit.

Sipas tij, viktima ishte ndaluar për shkak të dyshimit se kishte ushtruar dhunë në familje ndaj vajzës së tij.

“Rreth orës 03:40, një person dyshohet se ka bërë vetëvrasje në dhomat e ndalimit në stacionin policor në Suharekë. I njëjti ishte i ndaluar për shkak të dyshimit se ka ushtruar dhunë në familje ndaj vajzës së tij. Rasti është duke u hetuar si hetim i vdekjes. Viktima ishte i njohur për organet e rendit dhe për veprën penale për të cilën dyshohej, si dhe për raste të tjera,” ka deklaruar Kryeziu.