Një pushues nga Prizreni vdes në plazhin e Shëngjinit

Një 68 vjeçar nga Prizreni ka vdekur në mesditën e së dielës në plazhin e Shëngjinit.

Këtë lajm e ka bërë të ditur Policia e Lezhës.

Policia ka konstatuar se vdekja ka ardhur si pasojë e një arresti kardiak.

“Rreth orës 13:00, është dërguar në spitalin Rajonal Lezhë një pushues në plazhin e Shëngjinit, shtetasi I.Th., 68 vjeç, banues në Prizren, i cili ka ndërruar jetë në spital, dyshohet si pasojë e arrestit kardiak. Grupi hetimor po punon për sqarimin e plotë të rrethanave të ngjarje”, thuhet në njoftimin e Policisë së Lezhës.