Osmani: Kosova është në rrugë të drejtë

Presidentja e vendit, Vjosa Osmani, do të kthehet në Kosovë pas shumë takimeve që i pati në SHBA me bindjen e plotë se Kosova është në rrugë të drejtë.

Presidentja e Republikës së Kosovës, Vjosa Osmani Sadriu, në kuadër të vizitës së saj në New York të Shteteve të Bashkuara të Amerikës, ka takuar edhe presidentin amerikan Joe Biden, në Shtetet e Bashkuara të Amerikës.

“Pas një jave përplot takime e diskutime me miq e aleatë të rinj e të vjetër, kthehemi në vendlindje me bindjen e plotë se Kosova është në rrugë të drejtë”, ka shkruar Osmani në Facebook.