Gjermania ka shënuar rritje të shkallës së riprodhimit të koronavirusit.
Shkalla e riprodhimit të koronavirusit në Gjermani është rritur në 0.9 sipas Institutit Robert Koch, që do të thotë çdo 10 njerëz me virus infektojnë mesatarisht nëntë të tjerë, raporton Cnn.
Kjo shënon rritje nga një normë riprodhimi prej 0.7 një javë më parë, sipas Zëvendës Presidentit të Institutit, Lars Schaade.
Kancelarja gjermane Angela Merkel ka paralajmëruar më parë se nëse numri – i njohur edhe si vlera R0 – rritet mbi 1 – sistemi shëndetësor i vendit përfundimisht do të mbingarkohej.
Dje ajo shprehu shqetësimin se disa shtete gjermane po lëviznin drejt lehtësimit të kufizimeve të koronavirusit shumë shpejt, duke thënë se kjo mund të prishë rezultatet që janë arritur, transmeton lajmi.net.
Rastet e reja ngadalësohen: Gjermania tani ka 150,383 raste të koronavirusit dhe 5,321 vdekje të lidhura, tha të premten Instituti Robert Koch.
Vendi raportoi 2,337 raste të reja në 24 orët e kaluara – një ngadalësim i lehtë, pas tre me përshpejtim të rasteve të infeksioneve të reja.