Pas ofendimeve, këngëtari shqiptar i kërkon falje deputetes Ganimete Musliu

Këngëtari Ardijan Rusta i ka kërkuar falje deputetes së Kuvendit të Kosovës, Ganimete Musliu dhe votuesve të saj nga Drenica, pas ofendimeve të rënda që ia bëri.

Përmes një shkrimi në llogarinë e tij në Facebook, ai ka thënë se “komentet e tij janë marrë seriozisht nga portalet”.

Për gjuhën e përdorur ndaj deputetes Musliu, gjatë ditës reagoi edhe Këshilli për Mbrojtjen e të Drejtave dhe Lirive të Njeriut (KMDLNj).

KMDLNj thotë se ky fjalor ndaj deputetes Musliu nuk është se po përdoret për herë të parë dhe, në mungesë të sanksionimit të fyerjeve që kanë edhe përmbajtje dhe porosi raciste, fyerjet vetëm sa po shtohen.