Hueyda El Sayed sot do të festonte 48-vjetorin e lindjes.
Vajza e dashur e publikut shqiptar u nda fatkeqësisht nga jeta rreth dy vite më parë pas një beteje me një sëmundje të rëndë.
E sot me rastin e ditës së lindjes së saj, në parkun e Liqenit në Tiranë, u mboll një pemë dhe në një stol pranë saj u vendos mbishkrimi:
“Hueyda El Sayed buzëqeshja e Shqipërisë, artistja e bukur përgjithmonë në zemrat tona”.
Të pranishëm në këtë organizim ishin të afërm, miq dhe dashamirës, të cilët e deshën Hueyda El Sayed për artisten dhe njeriun që ajo ishte.
Humbja e saj erdhi e papritur për botën e artit pasi ajo zgjodhi që betejën me sëmundjen ta kalonte në heshtje pranë njerëzve të saj të zemrës, pa e ndarë me publikun.
