Përmbaruesi privat, Ilir Mulhaxha, që përfaqëson “DARDAFON.NET” ka urdhëruar bankën Raiffeisen Bank që nga llogaria e Telekomit të Kosovës brenda 60 minutave të bëjë ekzekutimin e borxhit kryesor, kamatës ligjore, shpenzimet e procedurës përmbarimore, shpenzimet kontestimore dhe zbatimin e efikasitetit të Zyrës Përmbarimore.
Në vendimin që ka dalë nga Gjykata Themelore e Prishtinës është theksuar se vetëm pas përmbushjes së përgjithshme të obligimeve do të debllokohen llogaritë bankare të Telekomit, të cilat ditë më parë janë bllokuar.Ndërsa, Federata Sindikale e pavarur PTK-së ka reaguar ndaj përmbaruesit privat Ilir Mulhaxha.
“Blerim Devolli dhe Ilir Mulhaxha me këtë veprimin e fundit na keni mbështetur për muri. Qeveri e Parlament mos u dorëzoni para zhvatësve dhe grupeve te interest”, është shkruar në faqen zyrtare të Federatës.